25 қыркүйек күні сағат 11.00-де Жұбан Молдағалиев атындағы облыстық ғылыми әмбебап кітапханасында, «Бір ел-бір кітап» акциясы бойынша Қарағанды облыстық жасөспірімдер кітапханасымен «Заманның заңғар тұлғалары» атты Оn-line тәртібіндегі конференция өткізілді.

Оn-line конференцияны ұйымдастырушы: Қарағанды облысының мәдениет, архивтер және құжаттама басқармасының «Ж.Бектұров атындағы Қарағанды облыстық жасөспірімдер кітапханасы» КММ.
Конференцияның мақсаты: ұлттық әдебиетіміздегі ең үздік деген туындыларды оқу және насихаттау. Ә. Кекілбаев пен Ә. Тәжібаевтың әдеби мұралары арқылы жастардың патриоттық рухын дамыту. Қазақстанның әдеби мұрасын зерттеуге деген қызығушылықты дамыту, қоғамның оқуға деген ықыласын көтеру.

Шараға қатысушылар: Ж.Бектұров атындағы Қарағанды облыстық жасөспірімдер кітапхана аудиториясы, «БОТА» интелектуалды жастар орталығының мүшелері, Академик Е.А. Бөкетов атындағы Қарағанды мемлекеттік университетінің студенттері, Жұбан Молдағалиев атындағы облыстық әмбебап ғылыми кітапханасының мамандары, Батыс Қазақстан инновациялық – технологиялық университетінің студенттері мен Құрманғазы атындағы саз колледжінің кітапхана ісі мамандығының студенттері.

Шара барысында: Қазақстан жазушылар одағының мүшесі, ақын Айтқали Нұрышұлы Нәріков Әбіш Кекілбайұлының өмірі мен шығармашылығы жайында, таныстығы жайында сөз сөйлеп, Ж.Досмұхамедов атындағы Орал педагогикалық колледжінің студенті Қошалова Бағым «Аңыздың ақыры» романынан қысқаша мағлұмат берді. Сонымен қатар Батыс Қазақстан инновациялық – технологиялық университетінің мұғалімі, филология ғылымдарының кандидаты: Абдульманов Алтынбек Әбуталиұлы Әбділдә Тәжібаевтың келелі ғұмыры жайлы, шығармашылығы жайлы ой өрбітсе, Хиуаз Доспанова атындағы жалпы білім беретін №30 орта мектебінің оқушысы Шоқан Наргиза ақынның «Жасыңда болмасаң ақылды» өлеңін, жалпы білім беретін №49 орта мектебінің оқушысы Бисембі Ералы «Өмірім менің» өлеңін, Құрманғазы атындағы Саз колледжінің «Кітапхана ісі» мамандығының 2 курс студенті Сатыбалдиева Азиза «Алматым» өлеңдерін оқып берді. Шараны Ж.Молдағалиев атындағы облыстық әмбебап ғылыми кітапханасы директорының орынбасары Сағынова Нұрлыгүл Аяпқызы қорытындылап, шараға қатысқан оқушыларды алғыс хатпен марапаттады.