Ж.Молдағалиев атындағы облыстық әмбебап ғылыми кітапхананың ұйымдастыруымен 28 желтоқсан күні Құрманғазы атындағы саз колледжінің 3 курс студенттеріне кітапханаға жаңадан келіп түскен әдебиеттерді насихаттай отырып, оларды кітап оқу мәдениетіне тәрбиелеу, көркем әдебиетке деген қызығушылығын арттыру мақсатында «Барлық жаңа сіздер үшін!» тақырыбында ақпарат күні өткізілді.

Ақпарат күні аясында жаңадан шыққан тарих, педагогика, психология, мәдени-ағартушылық, тіл білімі, көркем әдебиет, дін және тағы басқа әдебиеттермен таныстырылды. Шара соңында колледждің арнайы пән оқытушысы Г. А. Тоқтарова сөз сөйлеп, студенттер жаңа кітаптар бойынша пікір алмасып, өз алғыстарын білдірді.