Бүгін 4 мамыр күні Ж.Молдағалиев атындағы облыстық әмбебап ғылыми кітапхананың ұйымдастыруымен Ассамблея үйінде «Қазақстан Республикасы мен Корей Республикасы арасындағы мәдени алмасу» жылына орай «Бауырлас корей халқы» атты мәдени танымдық шара өтті.
Шарада Батыс Қазақстан корей этномәдени бірлестігінің ақсақалдар кеңесінің төрағасы Владимир Николаевич Хон корей халқының тарихы, қаламыздағы корей этномәдени бірлестігі жайлы және корея иероглифі туралы қызғылықты әңгімелеп берді. Студенттерге корей халқының мәдениеті, әдебиеті және ұлттық киімдері туралы бейнероликтер көрсетілді.