Ж.Молдағалиев атындағы облыстық әмбебап ғылыми кітапханасында 28 қараша күні 1 желтоқсан Қазақстан Республикасының Тұңғыш Президенті күніне орай «Дәуірдің дара тұлғасы» тақырыбында танымдық кеш өтті.

Мақсаты: Егемендігімізді қалыптастыру мен дамытудағы, әлемдік қоғамдастыққа танытудағы Тұңғыш Президенттің салиқалы саясатын көрсету, бүгінгі ұрпаққа үлгі ету.

Танымдық кеш барысында Н.Назарбаевтың көреген саясаткерлігі, ерен еңбегі жөнінде М.Өтемісов атындағы БҚМУ доценті, дүниежүзілік тарих және әлеуметтік-саяси пәндер кафедрасының меңгерушісі А.Журасова баяндама жасаса, «Жас Отан» Жастар қанаты БҚО филиалының жобалар бойынша менеджері А.Губашев Тұңғыш Президенттің мемлекетті нығайту жолындағы саясатына және биылғы жылды «Жастар жылы» деп жариялап жастарға көрсеткен қолдауына дән ризашылығын білдірді.

Сонымен қатар Қазақстан Республикасының Тұңғыш Президенті Н.Ә.Назарбаевтың өмірі мен қызметі жайлы жан-жақты сыр шертетін кітаптардан жасақталған «Назарбаев: дәуір, қоғам, тұлға» тақырыбындағы кітап көрмесін кітапханашы Ж.Қанатқалиева шараға қатысушыларға таныстырып өтті.

Шараға «Мамандандырылған күзет басқармасы» мемлекеттік мекемесінің қызметкерлері, жастар, мектептен тыс жұмыс орталығының тәрбиеленушілері қатысты. Қатысушылар саны 70 адам.