Ж. Молдағалиев атындағы облыстық әмбебап ғылыми кітапханада 25 ақпан күні сағат 15.00 – де «Ақ сөйле» ашық алаңы аясында «Дін мен дәстүр сабақтастығы, болашақтың кепілі» атты дөңгелек үстел оздырылды.
Мақсаты: Дін мен дәстүр – қашанда бір-бірімен сабақтас ұғым екені туралы ақпарат беру.

Дін мен дәстүрдің қоғамдағы алатын орны жоғары, ұлттық құндылықтар дұрыс қалыптасу үшін де атқарар маңызы зор. Дін – адамдық ізгі қасиеттерімізді асқақтатса, салт-дәстүр – ұлт болып қалыптасуымыз үшін қажет. Дөңгелек үстеліміздің құрметті қонақтары: Дін мәселелерін зерттеу орталығының оңалту жұмыстарын ұйымдастыру бөлімінің басшысы Адайхан Бағдат Қанатұлы, Тулбаев Мұхаммед – Ғариф мешітінің наиб имамы Шахаев Бағдат Русланұлы, «Жастармен жұмыс жөніндегі ресурс орталығының» кеңесші маманы Сымбат Талғатқызы, психолог – мотиватор Гүлсара Жасұланқызы және жоғары аграрлық колледжінің студенттері атсалысты. Дін мен дәстүр адам өміріндегі алатын орны , адамдардың теріс ағымдарға түсіп кетпеудің алдына алу туралы т.б. өзекті ойлар талқыға салынып, студент жастар ой жарыстырып, дөңгелек үстел өз мәресіне жетті. Кітапхананың кітап қорынан «Дін тәрбиенің рухани тірегі» кітап көрмесі қойылды.