Ұлттық домбыра күніне орай кітапханашылар Балалар мен жасөспірімдер туризм және экология облыстық орталығының «Еуразия» балалар лагерінде «Домбыра – қазақтың асыл мұрасы» атты кітап көрмесін таныстырды. Шара барысында балаларға қасиетті домбыраның тарихы, ұлттық мәдениетіміздегі орны мен маңызы туралы айтылып, қызықты сұрақтар қойылды. Қатысушылар белсенділік танытып, ұлттық құндылықтар туралы танымдарын толықтырды. Домбыраның күмбірі әрдайым халқымыздың рухын асқақтата берсін!