«Кемел ойдың кемеңгері»

Бүгін Ж.Молдағалиев атындағы облыстық кітапхана алаңында ашық аспан аясында кемеңгер ойшыл, ақын Абай атамыздың 176 жылдығына орай «Абай жолы – дана жол» атты әдеби оқу марафоны өткізілді. Шараға арнайы келген БҚО тілдерді дамыту басқармасы басшысының м.а. Светлана Қадырбайқызы мен ҚР Білім беру ісінің үздігі, ақын, жұбантанушы, ұстаз, «Парасат жолы» орталығының жетекшісі Үзілдік Елеубайқызы ақынның шығармашылығына тоқталып, жас ұрпақты Абайдың ұлылығын ұғыну үшін ақынның әдеби мұраларын оқып, жадына тоқып өсуге шақырды. Жастар шығармашылығы орталығының әншісі Қ.Идиров «Көзімнің қарасы» әнін шырқаса, бүлдіршіндер мен жас оқырмандар ұлы ақынның өлеңдерін оқыды.
Келушілер Абайдың шығармашылығына арналған «Кемел ойдың кемеңгері» атты кітап көрмесін тамашалады.