2 маусым күні сағат 15:00-де Ж.Молдағалиев атындағы облыстық әмбебап ғылыми кітапханасының оқу залында татар халық композиторы, Батыс Қазақстан облысының тумасы Назиб Жигановтың туғанына 110 жыл толуына орай «Назиб Жиганов. Өмір және Музыка» атты еске алу кеші өтті.
Кештің мақсаты: композитордың Назиб Гаязұлы Жигановтың өмірі мен шығармашылығымен тереңірек танысып, оқырмандардың шығармашылық қабілетімен өнерге деген қызығушылықтарын арттыру.
Назиб Гаязұлы Жиганов (15.01.1911-02.06.1988жж.) Көрнекті композитор, Татар Кәсіби музыкасының негізін салушы, Одақтың және РСФСР-дің алғашқы төрағасы, КСРО халық әртісі, көптеген ордендер мен медальдардың иегері, үш дүркін Мемлекеттік сыйлықтың лауреаты, ұстаз, Мәдениет және қоғам қайраткері, Социалистік еңбек ері. Сонымен қатар 8 операның, 3 балеттің, көптеген симфониялар мен камералық шығармалардың авторы. Оның шығармалары Орыс және Еуропа музыкасының ұлттық дәмі мен дәстүрін үйлесімді түрде қамтиды.
Шара ұйымдастырушылар: Ж. Молдағалиев атындағы ОӘҒК оқырмандарға қызмет көрсету бөлімімен «Халықаралық Назиб Жиганов шоқжұлдыздары» атты Жеке қорының президенті Тенешива С.В.
Шараға қаламыздағы №1 Саз мектебінің оқушыларымен ұстаздары сонымен қатар Дина Нүрпейсова атындағы саз мектебінің жоғары санатты оқытушысы Тацкина Светлана Александровна дарынды тұлғаның шығармашылығымен өнер жолындағы еңбектері туралы, жарты ғұмырын өнер әлеміне, музыкаға арнаған композитор туралы тереңірек мағұлмат берді. Халықаралық Назиб Жиганов шоқжұлдыздары» атты Жеке қорының президенті Тенешива С.В жеке қордың жұмысымен таныстырып, болашақта кітапхана ұжымымен бірлесіп түрлі бас қосулар мен шаралар өткізу жөнінде ой бөлісті.
Шараға композитор Н. Жигановтың өмірімен шығармашылығын ашатын «Назиб Жиганов. Өмір мен музыка» атты кітап көрмесі ұйымдастырылды.
Facebook
Instagram