Ж.Молдағалиев атындағы Батыс Қазақстан облыстық әмбебап ғылыми кітапханасында «Мамандықтар әлемі сыр шертеді» жобасы аясында «Рухы мықты елдің болашағы кемел» атты патриоттық сағат өткізілді. Шараның мақсаты – майталман мамандарды құрметтеу, жастарға бағыт-бағдар беру, мамандық бойынша еңбек ету, оң шешім қабылдау және еңбекке деген құштарлық сезімдерін ояту, үлкендердің еңбегін бағалауға, жас ұрпақтың бойына отансүйгіштік сезімдерін қалыптастыру.

  Аталмыш шараға аға инженер, азаматтық қорғау капитаны Камал Али Рамазанұлы, 5517 әскери бөлімінің 1 атқыштар ротасы командирінің тәрбие және әлеуметтік құқықтық жұмыстар жөніндегі орынбасары аға лейтенант Құрманғазиев Жанкелді Қайратұлы және Батыс Қазақстан академиялық колледжі «АТиСО», Жоғары аграрлық-техникалық колледжі, Орал жоғары гуманитарлық-экономикалық колледжі, Республикалық жоғары техникалық колледжінде білім алып жатырған студенттер жетекшілерімен қатысты. Шара қатысушылары өз кәсіптері мен мамандықтарының қыр-сырлары туралы ойларымен бөлісіп, өмір жолындағы тағылымды әңгімелерін ортаға салды. Студент жастарға болашақта кәсіби шебер маман болуда қажетті ақыл-кеңестерін айтып, қоғамға адал қызмет қылуға шақырды. «Қазақстанның болашағы – білімді ұрпағында» тақырыбында кітап көрмесі оқырман назарына ұсынылды. Шара соңында кітапхана директорының орынбасары Ұ.К.Жиеналиева меймандарға Алғыс хаттар табыс етті.