2021 жылдың 14-ші желтоқсан күні сағ.14.00-де Ж.Молдағалиев атындағы облыстық әмбебап ғылыми кітапханамен Ж.Досмұхамедов атындағы педагогикалық колледждің ұйымдастыруымен ҚР Тәуелсіздігінің 30 жылдығына орай «Тәуелсіздік шежіресіндегі педагогтың мәртебесі» атты танымдық кеш өтті. Шара барысында педагогика, психология кафедрасының оқытушылары білім саласының 30 жылдық тарихы туралы баяндамаларымен бөліссе, студенттер тәуелсіздікке арнау өлеңдер оқып, әнмен әсемдеді. Арнайы шақырылған ардагер ұстаздар Маденова Т.У, Ильясова Р.К. құттықтау сөз сөйледі. Сондай-ақ кеште «Тәуелсіздік жылындағы білім мен ғылымның жетістіктері», «Менің Отаным – Қазақстан» атты кітап көрме оқырман назарына ұсынылды.