Терроризм мен экстремизм замануи өркениетке басты қауіп-қатер

Ж.Молдағалиев атындағы облыстық әмбебап ғылыми кітапханасында «Ақ сөйле» ашық алаңы аясында «Терроризм мен экстремизм замануи өркениетке басты  қауіп-қатер»  атты пікір алмасу өткізілді.

Пікір алмасудың негізгі мақсаты қазіргі әлемдегі діни экстремизм мен терроризм, оны болдырмаудың қажеттілігі, діни төзімділік пен ұлтаралық келісімді сақтау мәселелері, қазіргі таңдағы ислам дініне жат ағымдар, олардың қазақ халқының діни танымына әсері жөнінде мағлұмат беру, ғылыми көзқарастарын қалыптастырып, қоғамдағы ислам дінін жамылған және өзге діндердің ұстанымдарының бағытына түсіп кетуден сақтануға үйрету.

Экстремизм мен терроризм бүгінгі таңда ең өзекті мәселе болып отыр. Саясатта белгілі бір бағыт ретінде экстремизм радикалды көзқарастарды жүзеге асырудың түрлі әдістерін ұстанады. Ол мемлекеттің тұтастығына, қоғамның бірлігіне қатер төндіріп, зорлық-зомбылықпен, фанатизммен, өздерінің принциптерін қорғай алмайтынымен, ымыраға келмеуімен сипатталады. Өзінің қауіпті тәжірибесінде экстремизм терроризммен тығыз байланыста. Заманауи терроризм – бұл әртүрлі мемлекеттердің ұлттық шекараларының шегінен шығып, бүкіл әлемдік қоғамдастықтың қауіпсіздігіне елеулі қатер төндірген күрделі, көпқырлы және аса жағымсыз саяси-әлеуметтік құбылыс. Пікір алмасуға БҚО-ның Дін істер басқармасы Дін мәселелерін зерттеу орталығының  теолог маманы Дүйсенәлі Бейімбет Жамбылұлы, Орал қалалық Полиция басқармасының экстремизмге қарсы іс-қимыл тобының аға жедел уәкілі Камешов Сабыржан Шораұлы, БҚИТУ колледжінің психолог маманы Омарова Баян Қонарқызы, «Ұлағат» дебат клубының жетекшісі Кемешев Даурен Ғалымжанұлы мен клуб мүшелері және БҚИТУ колледжінің студенттері қатысып, пікір алмасып, терроризмнің алдын алу шаралары туралы жақсы ой білдірді.  Сонымен  қатар пікір алмасу шарасына «Терроризм мен  экстремизм заманауи өркениетке басты  қауіп  қатер» тақырыбында  кітап  көрмесі жасақталды.