2022 жылдың 30 маусым күні Ж.Молдағалиев облыстық әмбебап ғылыми кітапханасы Облыстық балалар-жасөспірімдер туризм және экология орталығымен бірлесе отырып, «Самал» туристік лагерінің базасында «Жігер» әскери-патриоттық ауысымдағы Облыстық кәсіби колледжінің оқушыларына діни экстремизм мен терроризмге қарсы бағытта «Терроризмді тоқтату – тәуелсіздікті нығайту» атты акция өткізді.

Акцияның мақсаты-оқушыларға терроризм туралы терең түсінік беру, оның түрлері, себептері мен зардаптарын ұғындыру. Жасөспірімдерге қоғамның әлеуметтік, құқықтық, діни сипаттарын ұғындыра отырып, оларды террорлық, лаңкестік және діни экстремистік бағытта арандатуға жол бермеу. Оларға бейбітшіліктің маңызын және мейірімділік пен ізгіліктің, адамдарға жақсылық жасай білудің өмірдегі басты ұстанымы екенін ұғындыру. Қоғам арасында алауыздықты тудыртуға жол бермеу. Акцияны Облыстық балалар-жасөспірімдер туризм және экология орталығының кітапханашысы Гүлжан Жақсылыққызы ашты. Акция барысында оқушылар теріс ағым туралы өз ойларымен бөлісті, Жұбан Молдағалиев атындағы ОӘҒК дайындаған кітап көрмесімен танысты. Акция соңында демалушылар «Атамекен» патриоттық әнін орындап, «Алға Қазақстан» атты флэшмоб биледі.