Бүгін 16 желтоқсан – Тәуелсіздік күніне арналған «Тұғыры биік Тәуелсіздік» атты Жұбан Молдағалиев ескерткішіне гүл шоғын қою рәсімі өтті.
БҚО әкімінің орынбасары Б.Нарымбетов, Орал қаласының әкімі М.Сатқанов, тарихшы, өлкетанушы Ж.Ақбай, ақын, Қазақстан Жазушылар одағының мүшесі, Орал қаласының құрметті азаматы, Халықаралық «Алаш» әдеби сыйлығының иегері А.Нәріков, ақын, ұстаз, Жұбантанушы, ҚР Білім беру ісінің үздігі Ү.Елеубайқызы, желтоқсаншы М.Есенқұлұлы және жиналған қауым ақын ескерткішіне гүл шоғын қойды.
Шарада ақынның «Мен қазақпын» және ақын Ақұштап Бақтыгерееваның Жұбан Молдағалиевке арнаған «Ерлікті көзбен көрген күн» өлеңдері оқылды.