Құрметті оқырмандар!

2022 жылы ұлтымыздың кемеңгер тұлғасы, ақын, ғалым, ағартушы, әдебиеттанушы, мемлекет қайраткері, Алашорда үкіметінің мүшесі Ахмет Байтұрсыновтың туғанына 150 жыл толады. Биыл «Бір ел – бір кітап» республикалық акциясы А.Байтұрсыновтың ғылыми және әдеби шығармашылығына арналады.
Осыған орай, 2022 жылдың 27 шілде күні Ж. Молдағалиев атындағы облыстық әмбебап ғылыми кітапхананың ұйымдастыруымен, «Евразия» туристік сауықтыру орталығында арнайы шараға «Ұлтымыздың Ұлы Ұстазы» атты кітап көрмесі қойылды. Кітап көрмесінің мақсаты – ақын шығармашылығы арқылы жастарды өнер-білімге баулу, олардың адамгершілік пен патриоттық сезімін дамыту, ана тілін құрметтеуді насихаттау болып табылады.