Ж. Молдағалиев атындағы обылыстық әмбебап ғылыми кітапханасы Ақпараттық библиографиялық бөлімінің ұйымдастыруымен 1-мамыр Қазақстан халқының бірлігі мерекесіне орай «Ынтымақты елдің ырысы мол» атты мерекелік шара өткізілді.

1-мамыр – Қазақстан халқының бірлігі күні. Тамыры тереңге жайылған татулық тірегінің ордасына айналған Қазақ елінің бірлігі мен берекесі тарқаған емес. Ұлт пен ұлыстың татулығы бүгінде елдегі қоғамдық ынтымақтастықты сақтап отыр. Байтақ елде жалпақ жұрттың бірлігі бұзылмай, татулығы тарқамай өмір сүріп жатқандығы үлкен мақтаныш. Бір шаңырақ астында ұлттың ұйытқысына себеп болып отырған сарабдал саясатымыз мен Ата заңымыздың аясында бірлігімен, татулығымен ерекшеленетін ұлт екенімізді ескерсек, тұрақтылық пен бейбітшілік үйлесім тапқан елміз. Сонымен қатар халықтардың өзара түсінушілігі мен берекесін тапқан бірлігінің арқасында да татулық діңгегі ажыраған емес.

Шараға Батыс Қазақстан облысы Қазақстан халқы Ассамблеясының «Татар мәдениеті орталығы» ҚБ төрағасының орынбасары Э.А.Амирова, «Орыс мәдениеті орталығы» ҚБ төрағасының орынбасары О. И. Ворожейкина және М.Өтемісов атындағы Батыс Қазақстан университетінің Қазақстан Республикасы «Тарих» кафедрасының аға оқытушысы, тарих магистрі Г.Т.Жалекенова сөз сөйлеп, Құрманғазы атындағы саз колледжінің студенттері Қ. Рахымберді, Ж.Палат ән шырқап, «Инабат» би ансамблінің қыздары «Шашу», «Ұйғыр» биін биледі. Құрманғазының «Балбырауын» күйін Т. Аубакиров пен И.Сисенбаев орындаса, ақын Қ.Сариннің «Тәуелсіздік» атты өлеңін А. Шалабаева мәнерлеп оқыды.
Мерекелік шараны қорытындылауда Ж.Молдағалиев атындағы облыстық әмбебап ғылыми кітапхана директорының орынбасары Ұ.К.Жиеналиева шараға қатысқандарға жылы лебізін білдіріп, алғыс хаттарды табыс етті.

Шара барысында «Татулықтың тамыры-достық» атты кітап көрмесі ұйымдастырылды.