Ж. Молдағалиев атындағы облыстық әмбебап ғылыми кітапхананың ақпараттық-библиографиялық бөлімінің ұйымдастыруымен Орал қаласында орналасқан Қазақстан Республикасы Ұлттық ұланы “Батыс” өңірлік қолбасшылығының 5517 әскери бөлімінде ақын Төлеген Айбергеновтің 85 жылдығына орай «Жырдың жарық жұлдызы» тақырыбында поэзия кеші өтті.
Мақсаты: Қазақ халқының рухани мәдениетінің ірі тұлғаларының бірі Төлеген Айбергеновтің өмір жолы мен асыл мұраларын оқырман қауымға таныстыру арқылы жас ұрпақты өз Отанын сүюге тәрбиелеу, туған тілге деген сүйіспеншілігін арттыру, патриоттық тәрбие негіздерін қалыптастыру.

Шара аясында ақынның өмірі мен шығармашылығынан мол мағлұмат беретін «Перзент жыры» атты кітап көрмесі ұйымдастырылды.