Жұбан Молдағалиев атындағы облыстық әмбебап ғылыми кітапханада Оқырмандарға қызмет көрсету бөлімінің «Мирас» клубының ұйымдастыруымен «Нашақорлықтың алдын алу» тақырыбындағы айлық аясында бүгінгі күннің өзекті мәселесіне айналып отырған темекі, арақ, есірткі аураларына қарсы ұйымдастырылған «Зиянды заттардың зардабы» атты дөңгелек үстел болып өтті.
Шараға Облыстық психикалық денсаулық орталығының дәрігері, психиатр-нарколог Нұрлан Фаткулович Сатанов, № 47 мектеп психологы, Республикалық Үздік психолог байқауының жүлдегері Жаңылсын Жанболатқызы Досқалиева, сондай-ақ МЕБМ «Ақпараттық технологиялар лицей мектебінің» оқушылары мен ұстаздары және осы мектеп лицейдің оқу ісі жөніндегі орынбасары Гүлнұр Елтайқызы Рамазанова модератор болды.
«Темекі мен нашақорлық – денсаулық дұшпаны» атты кітап көрмесі ұйымдастырылды. Кеште оқушылар келген мамандарға өздерін толғандырып жүреген сұрақтарын қойып ой бөлісті. Шара соңында «Электронды темекінің зардабы» атты бейнебаян көрсетілді.