28 наурыз күні Достық Үйі ғимаратында Қазақстан халқы Ассамблеясының 30 жылдығына орай қоғам қайраткері, жазушы, ғалым Энгельс Ғаббасовтың өмірі мен шығармашылығына арналған «Қоғамдық келісім – халықтың таңдауы» тақырыбындағы ғылыми-тәжірибелік конференция өтті.

Конференция барысында Э.Ғаббасовтың еліміздің әдебиетіне, мәдениетіне және қоғамдық-саяси өміріне қосқан баға жетпес үлесін келешек ұрпақ санасына сіңіруге арналған мұрасы туралы сөз қозғалды.

Конференция модераторы Жолдасқалиев Нұрғали Қаршығаұлы – БҚО әкімдігі ҚДБ «Қоғамдық келісім» КММ басшысы.

Конференцияда баяндамалар тыңдалып, Ж.Досмұхамедов атындағы жоғары педагогикалық колледжінің студенттері Э.Ғаббасов туралы арнауларды мәнеріне келтіріп оқып, облысымыздың қоғам қайраткерлері еркін пікір алмасты. Сонымен қатар Достық Үйі ғимаратында Энгельс Ғаббасовқа арналған этнокабинет ашылды.

Достық Үйінің фойесінде Энгельс Ғаббасов туралы «Есімі елде жатталған жазушы» атты кітап көрмесі жасақталды.