Бүгін 24 ақпан күні Ж.Молдағалиев атындағы облыстық әмбебап ғылыми кітапханада 1 наурыз – Дүниежүзілік азаматтық қорғаныс күніне орай «Азамат сыны-ерлік, ерлік сыны- елдік» атты шара оздырылды.
Аталмыш шарада Орал қаласы төтенше жағдайлар басқармасының (ТЖБ) офицері Баймұханов Рүстем Мағазұлы мен Орал қаласы ТЖБ инженері, азаматтық қорғау аға лейтенанты Хайруллин Асланбек Мұратұлы төтенше жағдайлар кезінде адам өзін қалай ұстау керектігі, медициналық көмек көрсету туралы түсінік берді.

Арнайы шығарылған «Азамат сыны-ерлік, ерлік сыны- елдік» тақырыбындағы кітап көрмесіне кітапханашылар екі тілде шолу жасады. Бұл шараға қатысқан кешкі (ауысымды) орта жалпы білім беретін мектебінің оқушылары кітапхана қорына келіп түскен жаңа әдебиеттермен танысты.