Ж.Молдағалиев атындағы облыстық әмбебап ғылыми кітапхана ұйымдастырған «Кітаппен бірге – Тәуелсіз елде» оқу марафоны бойынша 8 желтоқсан күні Бәйтерек ауданының орталықтандырлған кітапханалар жүйесінде Ұлықбек Есдәулеттің «Киіз кітап» атты кітабы қалың оқырманға бейнебаян түрінде ұсынылды. Бейнебаянда алдымен ақынның өмірбаяны, не үшін «Киіз кітап» аталғаны жөнінде алғы сөзді кітапхана басшысы Жеңісгүл Қалиқызы айтып өтті. Аудандық кітапхана қызметкерлері ел тәуелсіздігінің 30 жылдығына байланысты ақынның тарихи жылнамаларға арнайы жазылған өлеңдерін оқу арқылы, егемендіктің, тәуелсіздіктің оңай келмегенін насихаттаса, бір жағынан қазақ поэзиясынан ойып орын алатын Ұлықбек Есдаулеттің ел мен жер, қоғамдық, әлеуметтік лирикалық жыр толғамдарына толы отты өлеңдерін қалың оқырман назарына ұсына білді. Марафонды Бәйтерек ауданының орталықтандырылған кітапханалар жүйесі қалалық кітапханадан қабылдап алып, Теректі аудандық орталықтандырылған кітапханалар жүйесіне табыстады. Бәйтерек ауданының ОКЖ-нің Мичурин ауылдық округі кітапханалары жазушы, Халықаралық «Алаш» әдеби сыйлығының иегері, Қазақстанның еңбек сіңірген қайраткері Сәуле Досжанның «Қасірет пен тағдыр» романын оқырмандарына ұсына отырып кітаптың таныстырылымын өткізді. Алдымен Зеленый және Асан ауылдық кітапханасының қызметкерлері ауыл көшесіне шығып, мекемелерге барып «Бір ел – бір кітап» акциясына ұсынылған кітаптар туралы сауалнамалар жүргізді. Буклеттер тарату арқылы шығармалармен таныстырды. Шараға Мичурин ауылдық округінің әкімшілік аппаратынан С. Иманалиева, Мичурин ауылының тұрғыны, Қазақстан ардагерлері «Ерекше – тәуекелді солдаттар» бірлестігінің мүшесі, Семей өңірінде әскери қызметін атқарған Э.А.Алиев, зейнеткер Н.И.Алексеева және округ кітапхана қызметкерлері мен кітапхана оқырмандары қатысты. Мақсаты: шығармада суреттелген Семей полигонының адамзат баласына тигізген залалы туралы әңгімелеу, табиғатты, туған жерді қорғауға жас ұрпақты тәрбиелеу. «Бір ел-бір – бір кітап» акциясында ұсынылған кітаптарды оқуға тарту. Романда полигон тақырыбы, оның зардабы, Семей өңірі тұрғындарының қасіреті айтылатындығы, сондай-ақ жазушы өз шығармасында кейіпкері Аяулымның тағдыры арқылы Семей полигонының қасіретін оқырманына сезіндіретіндігі туралы кітапханашылар оқырмандарға әңгімелеп берді. Қазақстан ардагерлері «Ерекше – тәуекелді солдаттар» бірлестігінің мүшесі,Семей өңірінде әскери қызметін атқарған Э.А.Алиев Семей полигонының зардаптары туралы айтып берді. Романда кейіпкер тағдыры арқылы бүкіл қазақтың қасіреті баяндалады. «Бір ел – бір кітап акциясы» аясында атаулы шығарманың таңдап алынуы тектен-тек емес. Өйткені романда баяндалатын оқиға желісі Семей полигоны және 1986 жылғы Желтоқсан оқиғасымен ұштасып жатыр. Кейіпкерлердің тағдыры туралы бейжай оқу мүмкін емес. С.Досжанның «Қасірет пен тағдыр» романын оқыған оқырмандар: Х.А. Галиева, Н.Н.Садуллаев және Мичурин ауылдық округі кітапханашылары шығарманың мазмұнын толықтай оқырмандарға жеткізе білді.