Ж.Молдағалиев атындағы облыстық әмбебап ғылыми кітапхананың ұйымдастырумен «Кітаппен бірге – Тәуелсіз елде» оқу марафоны бойынша 2021 жылы ел Тәуелсіздігінің 30 жылдығына орай, жалпыхалықтық оқуға «Тәуелсіздігіміздің 30 жылдығына – 30 кітап» рухани – мәдени акциясы аясында 7 желтоқсан күні Ақжайық аудандық орталықтандырылған кітапханалар жүйесіне қарасты кітапханаларда Г.Гарсиа Маркестің «Жүз жылдық жалғыздық» және Тоқтарәлі Таңжарықтың «Түн парақтары» атты шығармалары талданып, бір уақытта мәдени іс-шаралар ұйымдастырылып насихатталды.
Аудандык кітапхана мен аудандық, ауылдық балалар кітапханалары оқырмандарына Т.Таңжарықтың «Түн парақтары» кітабындағы өлең шумақтарын таныстырып, насихаттау мақсатында поэзия сағаттары өткізілді. Шара барысында ақынның «Бейуақ», «Айқай», «Құштарлық» т.б өлеңдері оқылып, ақынның өмірдерегі баяндалды. Шараға кітапхана оқырмандары, тіл, әдебиет мамандары қатысты.
Мерген, Жаңажол, Бударин ауылдық кітапханалары Г.Гарсиа Маркестің «Жүз жылдық жалғыздық» және Тоқтарәлі Таңжарықтың «Түн парақтары» атты кітаптары жалпы оқырмандарға таныстырылып, шығармалары туралы мағлұматтар берілді.
Жаңабұлақ, Ақжол, Тайпақ ауылдық кітапханасындағы коворкинг орталықтарында Г.Гарсиа Маркестің «Жүз жылдық жалғыздық» романы таныстырылып, жоғары сынып оқушыларына насихатталды. Шараға 8-9 сынып оқушылары қатысты.