Ж.Молдағалиев атындағы облыстық әмбебап ғылыми кітапхананың ұйымдастыруымен “Кітаппен бірге – тәуелсіз елде” оқу марафоны бойынша 2021 жылы ел Тәуелсіздігінің 30 жылдығына орай жалпыхалықтық оқуға ұсынылған «Тәуелсіздігіміздің 30 жылдығына – 30 кітап» рухани-мәдени акциясы аясында 14 желтоқсанда Тасқала аудандық орталықтандырылған кітапханалар жүйесінде «Қарымды қаламгерлердің көркем туындылары» атты әдеби сағат өткізілді.
Шара барысында акцияның поэзия жанры бойынша таңдалған үздік туындылардың бірі Бақытжан Қанапияновтың «Достояние души» атты шығармасы және көркем аударма жанры бойынша таңдалған Джоан Роулингтің «Харри Поттер мен жасырын бөлме» атты аудармасы насихатталды. Кітапханашылар аталған шығармалар мен авторлары туралы ақпарат беріп, «Тәуелсіздіктің 30 жылдығына – 30 кітап» атты кітап көрмесіне шолу жасады.
Кітапхана оқырмандары Бақытжан Қанапияновтың «Достояние души» және Джоан Роулингтің «Харри Поттер мен жасырын бөлме» атты аудармасы туралы пікірлерін білдіріп, бейне слайд арқылы шығарманың желісімен таныстырды. Шара соңында оқырмандар «Ғажайып алаң» атты ойынға қатысып, ұяшықтарда жасырылған сұрақтарға жауап беріп, белсенділік танытты.