Ж.Молдағалиев атындағы облыстық әмбебап ғылыми кітапхананың ұйымдастыруымен «Кітаппен бірге-тәуелсіз елде» оқу марафоны бойынша 2021 жылы ел Тәуелсіздігінің 30 жылдығына орай, жалпыхалықтық оқуға «Тәуелсіздігіміздің 30 жылдығына – 30 кітап» рухани-мәдени акциясы аясында Бөрлі ОКЖ-нің Қызылтал кітапханасы кітапхана оқырмандары арасында белгілі жазушы – драматург Р.Отарбаевтың «Айна ғұмыр» пьесасын сахналап, шығармасын насихаттады. Қызылтал кітапханасының кітапханашысы С.М.Ишанова “Тәуелсіздігіміздің 30 жылдығына – 30 кітап” атты кітап көрмесіне библиографиялық шолу жасап, оқырмандарға Р.Отарбаевтың өмір жолы мен шығармаларын таныстырды.Шараға қатысқан оқырмандар дипломдармен марапатталды.

Бөрлі орталықтандырылған кітапханалар жүйесі, Орталық балалар кітапханасының филиалында М.Қабанбаевтың “Жиһанкез Тити” шығармасын насихаттау мақсатында кітапханашы Н.Ерменгалиева №1 ЖББОМ-нің 3 ә сынып оқушыларымен әдеби криптограмма шарасын өткізді. “Жиһанкез Тити” балабақшаға баратын балақайдың арманшыл көңілі мен қиялын, адамдар арасындағы жылылық пен мейірімділікті баяндайтын балалар шығармасының сәтті бір туындысы. Шара барысында кітапханашы М.Қабанбаевтың өмір жолы туралы бейнеролик арқылы баяндап, “Жиһанкез Тити” атты буктрейлер арқылы шығарманың желісімен таныстырды. Оқушылар өз ойларын ортаға салып, алған мәліметтері бойынша “Жиһанкез Тити” криптограммасын шешіп, “Шығарманың негізгі идеясы” атты мозаиканы құрастырды. Кітапханашы М.Қабанбаевтың кітапхана қорында бар кітаптарымен таныстырып, әдебиеттерді насихаттады.