Ж.Молдағалиев атындағы облыстық әмбебап ғылыми кітапхананың ұйымдастыруымен «Кітаппен бірге-тәуелсіз елде» оқу марафоны бойынша 2021 жылы ел Тәуелсіздігінің 30 жылдығына орай, жалпыхалықтық оқуға «Тәуелсіздігіміздің 30 жылдығына 30 кітап» рухани-мәдени акциясы аясында Казталов модельді балалар кітапханасы Казталов мектеп-лицейі жанындағы интернат тәрбиеленуші оқырмандары арасында белгілі жазушы – драматург Д.Исабековтың «Жеті желкен» және жазушы Т.Сәукетаевтың «Желқайық» атты шығармаларын насихаттады.
Казталов модельді балалар кітапханасы жетекшісі М.Б.Сейфуллина жазушы Т.Сәукетаевтың «Желқайық» атты шығармасы – көп салалы, күрделі роман, азаттық қарсаңындағы қазақ қоғамының әлеуметтік халі, болмысы психологиялық кең ауқымда көркемдік қуатпен барша шынайы суреттелген шығарма екенін оқырмандарға жеткізді.

Мерзімді басылымдар бөлімінің кітапханашысы Ж.Е. Ахметова белгілі жазушы-драматург Д.Исабековтың «Жеті желкен» атты кітабы туралы қысқаша әңгімелеп, кітаппен таныстырылым жүргізді. Шараға қатысқан оқырмандар мен интернат тәрбиешілері кітап оқу өз білімдерін тереңдете түсетінін айтып, кітапханашы апайларына ризашылықтарын білдірді.