Ж.Молдағалиев атындағы облыстық әмбебап ғылыми кітапхананың ұйымдастырумен «Кітаппен бірге – Тәуелсіз елде» оқу марафоны бойынша 2021 жылы ел Тәуелсіздігінің 30 жылдығына орай, жалпыхалықтық оқуға «Тәуелсіздігіміздің 30 жылдығына – 30 кітап» рухани – мәдени акциясы аясында Жәнібек ОКЖ-де 9 желтоқсан күні бір уақытта ағартушы, ақын, ұстаз Ыбырай Алтынсариннің «Өнер – білім бар жұрттар» мен ауған жазушысы Халед Хоссейнидің «Жарқыраған мың күн» атты шығармаларын насихаттауда түрлі шаралар ұйымдастырылды.

Аудандық модельді балалар кітапханасында ұлы дала төсінде ең алғаш қоңырау соққан ұлы ұстаз, ағартушы Ы.Алтынсаринге арналған «Өнер – білім бар жұрттар» атты әдеби – портрет сағаты оздырылды. Кітапханашы М.Акпанова ұлы педагог, ағартушы, ақын, жазушы Ы.Алтынсарин өмірі мен шығармашылығын слайд арқылы таныстырып өтсе, кітапхананың белсенді оқырмандары Б.Галемов «Кел, балалар оқылық», А.Ержан «Өнер-білім бар жұрттар», Ф.Жұмабек «Ананың сүюі» өлеңдерін мәнерлеп жатқа оқыды. «Бақша ағаштары» әңгімесінен көрініс қойылып, «Білімнің қайнар шырағы» кітап көрмесіне шолу жасалды.

Күйгенкөл ауылдық модельді кітапханасында «Өнер-білім бар жұрттар» тақырыбында әдеби кеш ұйымдастырылды. Кеште кітапханашы Ы.Алтынсариннің өмірі мен шығармашылығын таныстыра отырып, адамгершілікке, еңбексүйгіштікке тәрбиелеу өлеңдеріне тоқталып, мағынасын ашып, негізгі идеясын түсіндіріп берді. Кітапхана оқырмандары Ы.Алтынсариннің оқушыларды имандылыққа, адамгершілікке, еңбекқорлыққа тәрбиелейтін «Өтіріктің залалы», «Асыл шөп» т.б. әңгімелерінен көрініс қойып «Кел балалар, оқылық», «Өнер, білім, бар жұрттар», «Өзен» т.б. балаларды оқуға, білім алуға, жаман әдеттен аулақ болуға шақыратын өлеңдерін мәнерлеп оқыды. Сонымен қатар Тегісшіл бөлімше кітапханасында «Өнер білім бар жұрттар», Өнеге бөлімше кітапханасында ұстаздарға арнап «Даланың дара ұстазы» тақырыбында кітап көрмелері, Тау модельді ауылдық кітапханасында Ғ.Абдуллин атындағы ЖОББМ-нің 3-4 сынып оқушылары қатысуымен «Өнер білім бар жұрттар» атты тақырыпта әдеби кеш, Борсы ауылдық кітапханасында «Өнер – білім ар жұрттар» атты поэзия кеші оздырылды.