Ж.Молдағалиев атындағы облыстық әмбебап ғылыми кітапхананың ұйымдастыруымен «Кітаппен бірге-Тәуелсіз елде» оқу марафоны бойынша 2021 жылы ел Тәуелсіздігінің 30 жылдығына орай, жалпыхалықтық оқуға «Тәуелсіздігіміздің 30 жылдығына-30 кітап» рухани-мәдени акциясы аясында Теректі аудандық орталықтандырылған кітапхана жүйесі бойынша 9 желтоқсан күні «Қазына» коворкинг орталығында Тобық Жармағамбетовтың «Отамалы», түрік жазушысы Орхан Памуктың «Менің атым Қырмызы» кітаптары бойынша әдеби таныстырылым өткізді. Оқырмандарға әдебиетті кеңінен насихаттап, халықтың оқуға деген қызығушылығын арттыру, әдеби мұраны зерттеуге деген қызығушылықты дамыту және рухани дамуына үлес қосу мақсатында Т.Жармағамбетов пен О.Памуктың өмірі мен шығармашылығы туралы әңгімеленіп, аталған кітаптардан үзінді оқылды. Сарыөмір ауылдық кітапханасында Т. Жармағанмбетовтың «Отамалы», О.Памуктың «Менің атым – Қырмызы» шығармаларын насихаттауға арналған ақпараттық сағаты оздырылды. Өткізілген шара барысында кітапханашылар акция туралы, 30 кітап туралы ақпарат берсе, кітапхана оқырманы А.Хасанғалиев оқыған «Отамалы» шығармасын әңгімеледі. Ал О.Памуктың «Менің атым Қырмызы» романының электронды нұсқасын оқыған Н.Шангереева қысқаша мазмұнын айтып берді. Аңқаты,Төңкеріс ауылдық кітапханаларында О.Памуктың «Менің атым Қырмызы» атты романы бойынша танымдық сағаты өткізіліп, оқырмандар арасында насихатталды. Ақжайық ауылдық модельді кітапханасында оқырмандар арасында Т.Жармағамбетовтың кітабы «Отамалы» бойынша шара ұйымдастырылды. Шарада кітапханашы Т.Жармағамбетов туралы ақпарат беріп, кітапта суреттелген Отамалы қойшының өмірі, ата-бабалардың сонау бір өткен азалы тіршілігі, мұңға батып буланған көз жасы, кек, ыза, арпалыс, адам рухының ұлы жеңісі туралы әңгімелеп берді. Шарада бай мен қойшының қысқа монологынан үзінді оқырмандарға ұсынылды.

Аудандық балалар кітапханасында жасөспірімдер арасында О.Памуктің «Менің атым –Қырмызы» мен Т.Жармағамбетовтың «Отамалы» шығармаларын насихаттау бағытында «Қызықты кітаптар рухани шығармалар әлемі» атты тақырыптық кеш өтті. Шара барысында, Құттыбай Айшабибі О. Памуктің өмір жолын баяндаса, Жақсыбайұлы Әли «Менің атым–Қырмызы» туындысын әңгімеледі. Рысқалиева Эльмира Т.Жармағамбетовтың өміріне тоқталса, Төлеу Зарина «Отамалы» әңгімесі жайында ой бөлісті. Шара соңында оқырмандарға шығарма желісінен қызықты сұрақтар қойылып, әсерлі де тартымды жауаптар берілді. Шараға мектеп оқушылары мен қазақ тілі мен әдебиет пәнінің мұғалімі Салтанат Қуанышбаевна қатысты.