18 наурыз күні Жұбан Молдағалиев атындағы облыстық орталық әмбебап ғылыми кітапханасында «Сыбайлас жемқорлықпен күрес – ел қауіпсіздігінің нышаны» атты көрме ұйымдастырылды.

Кітап көрменің мақсаты – қоғамда сыбайлас жемқорлықтың зардаптарын түсіндіру, әлеуметтік, экономикалық және саяси дамуына теріс әсерін көрсету. Көрме арқылы оқырмандарды сыбайлас жемқорлық мәселесі бойынша ақпараттандыру. Әр азаматтың мемлекет пен қоғам алдындағы жауапкершілігін сезінуі үшін оларды сыбайлас жемқорлыққа қарсы күресте өз үлестерін қосуға шақыру. Құқықтық тәртіп пен әділеттілікті сақтаудың қажеттілігін насихаттау.

Көрмемен қаламыздың жоғары және арнаулы оқу орындарының студенттері мен кітапхана оқырмандары танысты. Олар сыбайлас жемқорлыққа қарсы саясат, заңдар және елімізде жүргізіліп жатқан реформалар туралы кеңінен ақпарат алып, осы тақырыпта пікір алмасу мүмкіндігіне ие болды. Кітап көрмемен танысқан оқырмандар сыбайлас жемқорлықтың елдің әлеуметтік-экономикалық дамуына кері әсерін тигізетінін түсініп, сыбайлас жемқорлыққа қарсы күрес және оның елдің қауіпсіздігі мен тұрақтылығына тигізетін әсері туралы терең мағлұмат алды.