Ұлы ақын, ағартушы, аудармашы, кемеңгер ойшыл, сазгер Абай Құнанбайұлының туған күніне орай Ж.Молдағалиев атындағы облыстық әмбебап ғылыми кітапханада «Парасат жолы» аясында мемлекеттік қызметкерлердің қатысуымен «Адалдықты мұра еткен Ұлы Абай» тақырыбында дөңгелек үстел өтті.
Шара спикерлері ақын, Қазақстан Жазушылар одағының мүшесі, «Алаш» әдеби сыйлығының иегері, Орал қаласының құрметті азаматы Айтқали Нәріков, Махамбет Өтемісов атындағы Батыс Қазақстан университетінің «Рухани жаңғыру» институтының директоры, педагогика ғылымдарының докторы, профессор, Қазақстан Педагогикалық ғылымдар академиясының академигі Абат Қыдыршаев және ақын, Қазақстан Жазушылар одағының мүшесі, Әлішер Науаи атындағы және «Тұран Биримдиги» медалінің иегері, «Ақберен» жас ақындар мектебінің жетекшісі Талап Таймасұлы Абай мұрасының барлық уақытта өзектілігін атап өтіп, қазақ халқының ұлы перзентінің қоғамдық сананы түлету, білім маңыздылығы, әлеуметтік жауапкершілік туралы, масылдықтан, жадағай әдеттерден бас тарту керектігі туралы сөздері бүгінде маңызды екенін айтты. Абай атындағы мамандандырылған мектеп-гимназия-интернатының қызметкері Ағзат Ғабдуллина Абай шығармаларының маңыздылығына тоқтала келіп, гимназия аясында Абай мұрасын кеңінен насихаттауға бағытталған іс-шараларға тоқталды. Батыс Қазақстан облысы әкімі аппаратының әдеп жөніндегі уәкілі Айман Хайруллина шараны қортындылап, өз ойын жеткізді.

Шараны диктор, тележүргізуші, БҚО қоғамдық кеңесінің мүшесі Біржан Кухаев жүргізді.