26-қараша күні Жұбан Молдағалиев атындағы облыстық әмбебап ғылыми кітапханада Қазақстанның Халық жазушысы, қоғам қайраткері Ғабиден Мұстафиннің туғанына 120 жыл толуына орай “Дарынды тұлға – Ғабиден Мұстафин” атты ақпараттық кеш оздырылды. Кешке “Мектептен тыс жұмыс” орталығының “Жас оқырмандар” үйірмесінің оқушылары қатысып, Ғабиден Мұстафиннің нақыл сөздерін және “Шығанақ” романынан үзінділер айтып берді.Үйірме жетекшісі Б.Парухқызы жазушының өмірі мен шығармашылығын таныстырса, оқырмандарға қызмет көрсету бөлімінің кітапханашысы Б. Кубаева “Дала классигі”атты кітап көрмесімен таныстырды.Шара соңында Ғабиден Мұстафинге арналған бейне ролик көрсетілді.