2022 жылдың 26 қарашасында БҚО ҚХА Достық үйінде Этнос апталығы аясында шешен, ұйғыр, корей, әзірбайджан біріккен этномәдени бірлестіктерінің мерекелік шарасы оздырылды.
Шара конференция залында үстел үстінде әр этностың өз көрнекілігі, бұйымдары мен қол өнер туындылары және ұлттық тағамдары ұсынылған көрмеден басталып мерекелік бағдарламаға жалғасты. Сонымен қатар шара барысында түрлі ойындар ойнатылып, жеңімпаздарға сыйлықтар ұсынылды. Мерекелік бағдарлама «Салтанат» би ансамблінің «Шашу» биімен ашылып, әр этнос туралы қысқаша ақпарат ұсынылып, алғы сөз БҚО әкімдігі ІСБ «Қоғамдық келісім» КММ-нің басшысы Медхат Мұсаұлы Қамбетовке және этномәдени бірлестік төрағаларына берілді. Қатысушы өнерпаздар түрлі өнерлерін көрсетіп, көрерменге мерекелік көтіңкі көңіл күй сыйлады.
Бағдарлама соңында шараға қатысқан өнерпаздарға БҚО әкімдігі ІСБ «Қоғамдық келісім» КММ-нің басшысы М.М.Қамбетовтыңатынан алғыс хаттар табыс етілді.