Бүгін Ғ.Құрманғалиев атындағы облыстық филармонияның жасыл залында Ж.Молдағалиев атындағы облыстық әмбебап ғылыми кітапхана мен М. Өтемісұлы атындағы Батыс Қазақстан университетінің ғылыми кітапханасының бірлесе ұйымдастырған «Библиотур» жобасы аясында драматург Жан Батист Мольердің өмірі мен шығармашылығына арналған «Комедия жанрының хас шебері» атты алғашқы әдеби композиция кеші өтті.
Шарада қазақ тілі мен және қазақ әдебиеті пән мұғалімі Сабыр Айнұр Жан Батист Мольердің өмірі мен шығармашылығы туралы мағлұмат берсе, Махамбет Өтемісұлы атындағы БҚУ-нің студенті Нұрғалиева Айгерім француз тілінде Жан Батист Мольердің қысқаша өмірбаяны мен өлеңін оқыды. Индира Искакова жетекшілік ететін М.Өтемісұлы атындағы БҚУ-нің “Мұрагер” студенттік театры «Сараң» комедиясынан қойылым көрсетті. Және М.Өтемісұлы атындағы БҚУ-нің оқытушысы Салтанат Бекмухамбетова шарадан алған әсерімен бөлісіп, француз тілінде Жан Батист Мольердің шығармасын оқыды.
Шара соңында Ж.Молдағалиев атындағы облыстық кітапхана директорының орынбасары Ұрқия Жиеналиева қортынды сөз сөйлеп, қатысушыларды марапаттады.