Жұбан Молдағалиев атындағы облыстық әмбебап-ғылыми кітапхананың ұйымдастыруымен 9-шы желтоқсан күні 10.00-де МЕББМ Республикалық жоғары техникалық колледжде Қазақстанның халық жазушысы Әзілхан Нұршайықовтың 100 жылдық мерейтойына орай «Еркіндік пен Махаббат жыршысы» атты кітап көрмесінің таныстырылымы болып өтті. Көрмеге қаламгердің 40-қа жуық кітаптары, мерзімді басылым беттеріндегі мақалалары қойылды. Әзілхан Нұршайықовтың «Махаббат қызық мол жылдар» романың студенттер жарыса айтып, толғандырған сұрақтарын қойды, бүгінгі күннің балғын оқырманын да махаббат мәселесі бей-жай қалдырмайтынын дәлелдеді десек болады. Сонымен қатар «Ақиқат пен аңыз» роман диалогпен жазылған шығармасыда қазіргі жастардың сүйіп оқитын кітаптарының бірі екенін көрсетті, романның кейіпкері Қазақтың қаһарманы, гвардия подполковнигі Бауыржан Момышұлы туралы естеліктерімен қол астындағы жауынгерлерін басқара білуі, жау қамалын бұзып шыққан ақылдылығы туралы жазылған шығармасын студенттер үйге оқуға алды. Әзілхан Нұршайықов шығармаларымен кез-келген туындылары өз оқырманның ойландыратыны анық.