Жұбан Молдағалиев атындағы облыстық әмбебап ғылыми кітапхананың ұйымдастыруымен 18-ші желтоқсан күні ҚР Ұлттық ұланының 5517 әскери бөлімінде Қазақстанның халық жазушысы, мемлекеттік сыйлықтың иегері, соғыс ардагері, қаламгер Әзілхан Нұршайықовтың 100 жылдық мерейтойына орай «Еркіндік пен Махаббат» атты танымдық сағаты өтті. Шара барысында Әзілхан Нұршайықов туралы бейнероликтер көрсетіліп, жазушы шығармашылығымен таныстырып, сарбаздар жазушы шығармаларынан үзінді оқыды. Сондай ақ «Ерлік пен махаббат жыршысы» атты кітап көрмесі таныстырылды. Шара соңында сарбаздар ән шырқады.