Ж.Молдағалиев атындағы облыстық кітапханада 22 желтоқсан күні «Ғалымдар кітапханада» жобасы аясында Жәңгірхан атындағы Батыс Қазақстан аграрлық-техникалық университетінің профессоры, техника ғылымдарының докторы Айталиев Ермек Сатпайұлымен «Өнертапқыш ғалым, ұлағатты ұстаз» атты кездесу кеші өтті.
Кездесуді Батыс Қазақстан инновациялық технологиялық университетінің «Филология және оқыту әдістемесі» кафедрасының қауымдастырылған профессоры, филология ғылымдарының кандидаты Азамат Мамыров мағыналы да мәнді жүргізді.

Кездесу кешінде профессордың бір топ әріптестері, достары Е.Айталиевтің еңбегі мен адами қасиеттері жөнінде сөз қозғады.
Ғалымның өмірі мен шығармашылығына арналған «Ұстаз, ғалым, тәлімгер» тақырыбында кітап көрмесі ұйымдастырылды.
Шара соңында кітапхана директорының орынбасары Ұ.Жиеналиева сөз сөйлеп, естелік сыйлық тарту етті және ұйымдастырушыларға, барша қатысушыларға ғалым ағамыз өз алғыс-сезімін білдірді.