Бүгін кітапханамызда Ж.Молдағалиев атындағы ООӘҒК-ның 155 жылдық мерейтойына орай «Бас кітапхана – ортақ мұра, ортақ тарих» жобасы аясында Қаратөбе аудандық ОКЖ-нің «Prime Era» және Шыңғырлау аудандық ОКЖ-нің «Ladybook» топтары арасында «Кітапхана тарихы: Білім бәйгесі» атты библиобатл өтті.

Сайыс қатысушылары кітапхана тарихы, кітапханашы шеберлігі, Жұбан Молдағалиевтың өмірі мен шығармашылығы, тұлғалар мен кітаптарды тану бойынша өз білімдерін сынады. Библиобатл «Kahoot» бағдарламасы арқылы ұйымдастырылды. Библиобатл қорытындысы бойынша Шыңғырлау аудандық ОКЖ –нің «Ladybook» тобы жеңіске жетті. Екі топқа да бағалы сыйлықтар мен дипломдар табысталды. Шара соңында қатысушыларды кітапхана тынысымен таныстырып, кітапхана мұражайларына саяхат жасалды.