Кітапханада «Өлкенің тарихи тұлғалары» жобасы аясында «Батыстың батыр қыздары» атты Мәншүк Мәметова мен Хиуаз Доспанованың 100 жылдық мерейтойларына арналған тарихи-танымдық Ерлік эстафетасының кезекті шарасы өткізілді. Шараның құрметті қонақтары ҚР Мәдениет қайраткері, ҚР Еңбек сіңірген қайраткері, мәдениет саласының ардагері С.Танабаева Х.Доспанова туралы естелігімен бөліссе, тарихшы, өлкетанушы, журналист, М.Мәметова атындағы музей үйінің директоры А.Батырханов қазақтың батыр қыздарының ешқашан ұмытылмас ерліктері жөнінде әңгімеледі.
Шара барысында «Дарын» қосымша білім беру орталығының демалушысы Ж.Илияс М.Хакімжанованың «Мәншүк» поэмасынан үзінді оқыды. Сондай-ақ шарада «Арулар отты жылдарда» тақырыбында кітап көрме шығарылды.