Жұбан Молдағалиев атындағы Батыс Қазақстан облыстық әмбебап ғылыми кітапхананың ұйымдастыруымен «Өрлеу» біліктілікті арттыру ұлттық орталығы» акционерлік қоғамының «Батыс Қазақстан облысы бойынша Кәсіби даму институты» филиалында білім алып жатырған кітапхана саласында қызмет істеп жүрген облысымыздағы мектеп кітапханашыларына арнап «Кітапхананың ақпараттық ресурстары және заманауи кітапханалық қызмет» атты Мамандар күні өткізілді.

Шара аясында Жұбан Молдағалиев атындағы Батыс Қазақстан облыстық әмбебап ғылыми кітапхана қызметкерлері: «Кітап арқылы кәсіби әлемге» және «Жаңа әдебиеттер» атты кітап көрмесіне шолу жасап, кітапхана сайтындағы пайдалы ақпаратпен: электронды каталог, виртуалды анықтама қызметі және мультмедиялық басылымдармен таныстырып, қазіргі қоғамның дамуына байланысты Интернеттің пайдалы электронды ресурстарынан құралған «Цифрлық білім беру ресурстары» тақырыбында веб-библиографиялық көрсеткішін таныстырды. Сонымен қатар толық мәтінді ГОСТ 7.1-2003 «Библиографиялық жазба. Тақырыпша. Құрастырудың ережесі мен жалпы талаптары, деректер базасынан мәліметтер енгізу», «Әдебиеттерді ғылыми өңдеу: библиографиялық сипаттама жасау және Әмбебап ондық жіктеу (УДК) ережелерімен», өлкетану әдебиеттері бөлімінің Мәліметтер базасымен таныстырып өтті. Шара соңында қатысушылар арасында сауалнама жүргізілді және кітапханамен танысты.