Ж.Молдағалиев атындағы облыстық кітапханада 27 ақпан күні «Өнер өлкесінің тарландары» мәдени ағартушылық сазды әуен жобасы аясында Дәулеткерей атындағы оркестрдің көркемдік жетекшісі және бас дирижеры, М. Өтемісов атындағы БҚУ қауымдастырылған профессоры, «Құрмет» орденінің, мемлекеттік «Дарын» сыйлығының, Махамбет атындағы сыйлықтың иегері, Мәдениет саласының үздігі, Қазақстан композиторлар одағының мүшесі Нұрымбетов Еркін Шаяхметұлының 50 жасына арналған кездесу кеші оздырылды.
Кездесу кеші барысында өнерде жүрген «Құрмет» орденінің иегері, ҚР Еңбек сіңірген мәдениет қызметкері, Құрманғазы атындағы қазақ ұлттық консерваториясының құрметті профессоры, дәстүрлі күйші – Ермек Қазиев, Қазақстанның еңбек сіңірген әртісі, «Құрмет» орденінің иегері, Ғ. Құрманғалиев атындағы филармония әншісі – Қанатқали Қожақов, ақын, Қазақстанның Жазушылар және журналистер одақтарының мүшесі – Болатқали Төлебаев сөз сөйлеп, шығармашылық табыс тілесе, Еркін Шаяхметұлының туындыларын «Ерен еңбегі үшін» медалінің иегерлері Айбар Хайырханов, Дастан Есентеміров, республикалық конкурстардың лауреаттары – Ардақ Айғалиева, Аңсар Бердіғалиев, облыстық байқаулардың жүлдегері Гаухар Бекмашева орындады. Оқырмандар назарына кітапхана қорынан «Өнермен өрілген ғұмыр» атты кітап көрмесі мен бейнебаян ұсынылды.