22 қаңтарда Ж. Молдағалиев атындағы облыстық әмбебап ғылыми кітапханада 5517 – ші әскери бөлімінде актриса, ҚазКСР –інің еңбек сіңірген артисі, жерлесіміз Аққағаз Мәдиқызы Мәмбетованың 100 жылдығына арналған «Өнерім менің өмірім» атты танымдық кеш оздырылды.
Кештің мақсаты жерлесіміз актриса Аққағаз Мәдиқызының өмірі мен өнерін насихаттау. Аққағаз Мәдиқызы 44 жыл Ғ. Мүсірепов атындағы қазақ академиялық жастар мен балалар театры құрамында актриса болып, жемісті еңбек етті. Ол осы театрдың негізін салушылардың бірі. Ол режиссер Наталья Сацтың жетекшілігімен қазақ сахнасында жас балалар мен қыздар рөлінде алғаш ойнаған актриса ретінде өзінің сирек сахналық талантымен көрермендерге танылған шебер орындаушы. Актриса қазақ және орыс театры қойған спектакльдерге бірдей қатысып, алуан түрлі рөльдерде ойнаған.
Танымдық кеште сарбаздарға қазақтың танымал актрисасы туралы толық мәліметтер берілді. Аққағаз Мәдиқызының қыздары Гүлзамира мен Ляйля Әубәкірқыздарының анасы туралы айтқан бейнесұхбаттары көрсетіліп, «Талант кеңістігіне самғау» атты кітап көрмесіне шолу жасалды.