Ж.Молдағалиев атындағы облыстық әмбебап ғылыми кітапханада 22 ақпан күні «Құндылыққа бағдар» жобасы аясында «Тәрбие тал бесіктен басталады» атты тәрбиелік сағат өтті.

Шараға облыстық психикалық денсаулық орталығының дәрігері, психиатр-нарколог Н.Ф.Сатанов, №43 ЖОББМ психологы Ш.Г. Казиева, БҚО полиция департаментінің «Есірткі қылмысына қарсы күрес» басқармасының аға жедел уәкілі, полиция аға лейтенанты Е.Т.Назаров ұлттық құндылықтарды сақтау, жастар арасындағы тәрбие тәртіпсіздіктердің алдын алу турасында әңгімелеп, қойылған сұрақтарға жауап берді. Шараны МЕБМ «Ақпараттық технологиялар лицей мектебі»-қазақ тілі мен әдебиеті пәнінің мұғалімі И.М.Беккулова жүргізді.

Тәрбие сағатына студенттер, жоғары сынып оқушылары қатысып, тақырыпқа сай бейнероликтер көрсетілді. «Ұрпақ тәрбиесі – келешек қоғам тәрбиесі» атты кітап көрмесі шығарылды.