2022 жылы 16 наурыз күні Жұбан Молдағалиев атындағы облыстық әмбебап ғылыми кітапханада дәстүрлі әнші, Қазақстанның еңбек сіңірген мәдениет қайраткері, Хатимолла Жәңгірұлы Бердіғалиевтің 70 жасқа толуына орай «Талантқа тағзым» атты сазды керуен өткізілді.

Шараның басты мақсаты – өлкеміздің мәдениет саласына елеулі еңбегін сіңірген Қатимолла Жәңгірұлының ғибратты ғұмырын өскелең ұрпаққа үлгі ету, туған елдің мәдени құндылықтарын дәріптеу.
«Талантқа тағзым» атты сазды керуенде әнші, Қазақстанның еңбек сіңірген мәдениет қайраткері Хатимолла Жәңгірұлы өзінің өмір жолы мен шығармашылығы туралы сөз қозғады. Сазды керуенге Қазақстанның құрметті журналисті Тихон Әліпқали, ҚР мәдениет қайраткері, үздік өлкетанушы Сара Есқайырқызы Танабаева, дәстүрлі әнші, Қазақстанның еңбек сіңірген әртісі Сауле Жаманқызы Таудаева, Дәулеткерей атындағы қазақ аспаптар оркестірінің бас дирижеры, көркемдік жетекшісі, «Дарын» мемлекеттік сыйлығы мен «Құрмет» орденінің иегері, Мәдениет саласының үздігі Еркін Шаяхметұлы Нұрымбетов, күйші, домбырашы, Қазақстанның еңбек сіңірген мәдениет қайраткері Ермек Еселұлы Қазиев, Республикалық әнші – термешілер конкурсының лауреаты, Д. Нұрпейсова атындағы балалар саз мектебінің ұстазы, дәстүрлі әнші Қажығалиев Бейбіт Бауыржанұлы, шәкірті Армат, Республикалық конкурстардың лауреаты, Ғ. Құрманғалиев атындағы облыстық филармонияның әншісі Айбар Хайырханов ән шырқап көрермендерді саз әуенге бөледі. Шара соңында Жұбан Молдағалиев атындағы облыстық әмбебап – ғылыми кітапхана директоры Шолпан Қуанышқалиқызы құттықтау сөз сөйледі. Шараға Құрманғазы атындағы саз колледжінің студенттері қатысты. Сазды керуенде кітапхана оқырмандарына Хатимолла Жәңгірұлының өмірдегі жетістіктері мен шығармашылығынан кітап көрмесі ұсынылды.