11 қыркүйек күні Ж. Молдағалиев атындағы облыстық әмбебап ғылыми кітапхана 5517 әскери бөлімімен бірігіп Қазақтың рухани көсемі атанған, Алаш ардақтысы, Ұлт ұстазы Ахмет Байтұрсынұлының 150 жылдығына арналған «Ұлттың ұлы ұстазы» атты тақырыптық кеш ұйымдастырды. Кеш барысында 5517 әскери бөлімінің тәрбие және әлеуметтік құқықтық жұмыстар бөлімшесі бастығының мемлекеттік тілді енгізу жөніндегі аға көмекшісі майор Жұмабекова Алмагүл Ақылбекқызы сөз сөйлеп, «Ғибратты ғұмыр» атты бейнеүзік көрсетіліп, 5517 әскери бөлімінің сарбаздары Ахмет Байтұрсынұлының өлеңдерінен үзінділер оқыды. Кітапхана қорынан жасақталған «Ұлтымыздың ұлы ұстазы» атты кітап көрмесін бөлім жетекшісі Бозова Айнұр Беркінқызы таныстырды.