5 қыркүйек күні Ж.Молдағалиев атындағы облыстық әмбебап ғылыми кітапханада қоғам қайраткері, соғыс және еңбек ардагері Бисен Жұмағалиевтің туғанына 100 жыл толуына арналған «Бисен Жұмағалиевтің өрелі еңбегі, өшпес ерлігі, өнегелі ғұмыры» атты республикалық онлайн конференция өтті. Конференцияны диктор, тележүргізуші, БҚО қоғамдық кеңесінің мүшесі Б.Кухаев жүргізді.
Іс-шарада алдымен «Би ағаның биігі» атты бейнефильм көрсетіліп, Батыс Қазақстан облысы мәдениет, тілдерді дамыту және архив ісі басқармасы басшысының орынбасары Қ.Мұханғалиев алғы сөз сөйледі.
Конференцияға қатысушы тарихшы, өлкетанушы Ж.Ақбай, ағамыздың көзін көрген, еңбек ардагері Ғ.Хаймулдин, ақын, Қазақстан Жазушылар одағының мүшесі, Халықаралық «Алаш» әдеби сыйлығының иегері, Орал қаласының құрметті азаматы А.Нәріков, сазгер, Ақжайық ауданының құрметті азаматы Қ.Қибашев, Бисен Жұмағалиевтің қызы Б.Жұмағалиева және ақын-ұстаз, Жұбантанушы, ҚР білім беру ісінің үздігі Ү.Елеубайқызы, Ж.Досмұхамедов атындағы жоғары педагогикалық колледжінің оқытушысы, Бисен ағаның туған інісінің баласы Б.Сапиев, Халықаралық Қонаев қорының Батыс Қазақстан облыстық филиалының төрағасы, ауыл шаруашылығы саласына еңбегі сіңген ардагер Н.Ізтілеуов, еңбек ардагер Р.Кужекова, М.Шолохов атындағы мемориалдық музейінің директоры А.Пудова, еңбек ардагері, облыстық ардагерлер кеңесі төрағасының орынбасары Ә.Кереев және Қазақстан ақын-жазушылар одағының мүшесі С. Бисенғалиев сынды белгілі тұлғалар Бисен Жұмағалиевтің халқына еткен еңбегіне ерекше тоқталып, жан-жақты мағлұмат берді.
Басқосуда Көкшетау қаласындағы М.Жұмабаев атындағы Ақмола облыстық әмбебап ғылыми кітапханасы алаңынан Көкшетау өңірінде қызметтес болған азаматтар Ш.Алиев, Т.Мукушев, А.Беккужин, С.Керейбаева, К.Муратбекова, В.Соломина және Н.Василенко шығып, естеліктерімен бөлісті. ZOOM платформасы арқылы онлайн байланысқа шығуға қолдау білдірген Көкшетау қаласындағы М.Жұмабаев атындағы Ақмола облыстық әмбебап ғылыми кітапханасының басшысы Қ.Ергенұлына, ұжымына алғыс білдіреміз.
Сондай-ақ «Елінде ізі қалған азамат» тақырыбында кітап көрме шығарылды.
Аталмыш шараға Ж.Досмұхамедов атындағы жоғары педагогикалық колледжінің оқытушылары, студенттері қатысты.