19 наурыз күні қалаішілік автобустарда «Жолда кітаппен бірге» буккроссинг жобасы аясында«Наурыз думан» атты ерекше мәдени шара ұйымдастырылды.
Шара барысында кітапханашылар жолаушыларға қызықты викториналық ойындар өткізіп, белсенді қатысушыларға арнайы сыйлықтар табыс етті.

Сонымен қатар, «Мәдени-ағарту бірлестігінің» Ардагер клубының мүшелері әсем әндер шырқап, жолаушыларға көтеріңкі көңіл күй сыйлады. Күнделікті сапар мерекелік атмосфераға бөленіп, жолаушылар үшін бұл күн ерекше әсерге толы болды.