18 маусым күні Ж. Молдағалиев атындағы облыстық әмбебап ғылыми кітапханасы ғимаратының алдында Балалар жылына орай «Кітап деген ғажайып әлем» атты ертеңгілік оқу залының жазғы апталығы ашылды. Ашық аспан астындағы ертеңгілік оқу залында «Балалар әдебиеті – ұлт болашағы», «Балалар журналы әлемі», «Жаңа әдебиеттер» тақырыбында кітап көрмелер ұйымдастырылды.

Ашық аспан астындағы «Кітап деген ғажайып әлем» ертеңгілік оқу залы қала тұрғындары мен қонақтарына, жаяу жүргіншілер мен балаларға жаз мезгілінде, әр жұма күні сағат 10.00 – 12.00 аралығында, кітапханаға түскен жаңа әдебиеттермен, жаңа мерзімді басылымдар беттеріндегі ақпараттармен танысуға мол мүмкіндігін тигізуде.
Шарада кішкентай оқырмандарымыз «Тапқыр болсаң тауып көр!», «Мақалдың жалғасын тап» «Твистер» т.с.с. қызықты ойындар ойнап, мақал- мәтелдер мен жұмбақтар шешіп, ертегі кейіпкерлерінің есімдерін атап сайысты, ойыннан жеңімпаз атанған кішкентай жеңімпаздарға тәттілермен сыйлықтар табыс етілді. Шара соңы кітапханаға экскурсиямен аяқталды.