11 қараша күні «Балалар жылы» аясында №1 мектеп қабырғасында, 6-сынып оқушыларымен, жылжымалы кітапхана жұмысын әрі қарай жандандыру мақсатында «Сырлы әлем» жобасы аясында әдебиеттік-танымдық шараның кезекті отырысы жалғасын тапты. Осы шарада «Оқу аралына – шытырман оқиғалармен» атты көшпелі кітап көрмесі ұйымдастырылып, оқушыларға шытырман оқиғалы кітаптар арқылы қызықты әдеби саяхат жасау ұсынылды.
Басты мақсат – жас оқырмандарға балалар жазушыларының шытырман оқиға желісінде жазылған шығармалары жайында мағлұмат бере отырып, балаларды адалдыққа, пәктікке, адамгершілікке тәрбиелеу, оқу көкжиегін кеңейту, кітапқа, кітап оқуға деген сүйіспеншілігін ояту. Осы шарану өткізу барысында сынып жетекшісі – Шадгалиева Айнұр Маратқызы, мектеп кітапханашысы – Оразгалиева Гулнар Жабаевна қолдау көрсетіп, алдағы уақытта да бірлесіп жұмыс жасасақ деген ниеттерін жасырмады.
Кешке сынып оқушылары белсене қатысып, білген-түйгендерін ортаға салып, кітап оқуға, көркем әдебиетке деген ынта-ықыластарының зор екенін танытты.